تصوير بزاوية 360
التصوير بزاوية 360 درجة راح يآخذ عميلك إلى عالم ثاني من التجربة والاحساس والتفاعل مع الصوره من كل زواياها وابعادها (يعني إذا دَخَّلْت ها التقنيه بخططك التسويقيه الإلكترونية العقارية، عميلك المستهدف راح يدخل جو بانورامي تفاعلي مع منتجك العقاري اللي انت تقدمه) سواءً كان فله او تاون هاوس او شقه تمليك. وبالمناسبه ها الجو البانورامي التفاعلي راح يكون من مصلحتك انت كصاحب منتج عقاري. ليش لأن التصوير بزاوية ال360 درجة راح يزيد من وعي وفهم وتفاعل العملاء مع علامتك التجاريه ومنتجاتك العقارية، ويحث ويشجع محركات البحث على إظهار خدماتك ومنتجاتك في الصفحات الاولى للبحث. قوقل يعشق شي اسمه صوره او فيديو و التسويق بهذي الاستراتيجيه راح يزيد من رضى العملاء عنك وعن منتجاتك العقارية لأنك بكل بساطه سَوَّقت بالطريقه اللي يحبون ويفضلون. وإذا وصلت علامتك التجاريه ومنتجاتك وخدماتك العقارية للعميل المستهدف أو المشتري وتفاعل معها وفهمها ورضي عنها زادت عنده رغبة القرار الشرائي اللي انت في الاول والاخير تبحث عنه، و بكذا انت سَوَّقْت بطريقه إلكترونيه حديثه تفوقت فيها على منافسينك وبكل ذكاء زدت من مبيعاتك.